Kisha në Normandy të Francës, ku ekstremistët e ISIS-it e prenë në fyt një prift dhe përdoren murgeshat si mburojë njerëzore, do të rihapet sot për famullistët për herë të parë që nga sulmi tmerrues.

Një procesion është planifikuar për sot nëpër qytetin Saint-Etienne-du-Rouvray deri në kishën katolike, ku dy radikalë 19-vjeçar vranë priftin 85-vjeçar Jacques Hamel më 26 korrik, transmeton Express.

Të dy sulmuesit radikalë u vranë nga policia më pas.

Një ceremoni speciale do të mbahet sot për rihapjen e kishës, e cila do të përcjellët nga një meshë që do të udhëhiqet nga kryepeshkopi i Rouen./Express/