Mario Balotelli e ka marrë me shumë qetësi njoftimin e Roberto Mancinit se ai është thirrur në Kombëtaren e Italisë pas plot tri viteve mungese.

Sulmuesi 31-vjeçar, i cili luan për Adana Demirspor në Turqi, për herë të fundit luajti për Italinë në shtator të vitit 2018, në një ndeshje të Ligës së Kombeve kundër Polonisë, raporton Gazeta Express.

Mancini e thirri Balotellin për kampin stërvitor të Italisë që do të mbahet në Coverciano këtë javë.

Duke folur pas ftesës që e mori, Balotelli u duk shumë i qetë.

“Jam mirë dhe jam në humor të mirë. Duhet të jetë e natyrshme të luash për ekipin kombëtar në moshën 31-vjeçare”, tha Balotelli.

“Shpresoj që Italia do të kualifikohet në Kupën e Botës, sepse e meriton”, shtoi ai./Gazeta Express/