Sulmuesi italian ka hyrë në vitin e fundit të kontratës me Napolin, klubi parisien shpreson ta marrë “gratis”

Paris Saint-Germaini është duke e monitoruar me kujdes situatën e Lorenzo Insignes.

Lajmin e ka bërë të ditur mediumi francez “Le 10 Sport”.

Sulmuesi italian ka hyrë në vitin e fundit të kontratës me Napolin.

Palët nuk kanë arritur ende marrëveshje për kontratën e re eventuale.

Prandaj, gjiganti francez po shpreson ta marrë 30 vjeçarin në verën e vitit 2022, përcjell “Gazeta Express”.

Përfaqësuesi italian do të jetë i lirë të negociojë me klubet tjera nga janari dhe po ashtu të bëjë para-kontratë.

Natyrisht, i gjithë ky skenar mund të ndodhë nëse Insigne nuk e gjen gjuhën e përbashkët me Napolin për vazhdimin e kontratës.

Futbollistin këmbëshpejtë të krahut të majtë e duan edhe klubet tjera italiane. /Gazeta Express/