Kuvendi i Kosovës ka miratuar sot në lexim të parë ndryshimet në Ligjin për Dhomat e Specializuara, të propozuara nga PDK-ja.

Megjithatë, protestuesit nuk janë larguar nga sheshi pas votimit të parë. Ata po kërkojnë që projektligji të miratohet edhe në lexim të dytë.

Aktualisht, qytetarët kanë bllokuar hyrjet dhe daljet e Kuvendit dhe të Qeverisë, duke mos lejuar kalimin e deputetëve.

Në një moment, protestuesit nuk e lanë të kalonte as kryetarin e PDK-së, Bedri Hamza. “Kryetar, hyn brenda”, i tha njëri prej tyre, ndërsa Hamza u kthye mbrapa.

Për shkak të bllokimit, deputetët po e kanë të pamundur të dalin nga objekti i Kuvendit./IndeksOnline/