Luciano Spalletti u shfaq mjaft i zhgënjyer në përfundim të ndeshjes Spartak i Moskës-Napoli, me italianët që u mposhtën dhe kanë vënë seriozisht në rrezik kalimin në fazën tjetër të Europa Leagues.
Tekniku italian refuzoi t’i japë dorën trajnerit të Spartakit, Rui Vitoria, teksa videoja bëri menjëherë xhiron e botës dhe nxiti edhe reagimin e klubit rus, që nuk u kursye dhe e quajti një palaço Spallettin.
“Nuk ia dhashë dorën trajnerit të Spartakut, pasi nuk më takoi në fillim. Përshëndetja bëhet para ndeshjes dhe jo në fund, kur ke fituar”, u justifikua Spalletti.
Nga ana tjetër tekniku i Spartakut tha se kishte shkuar të takojë Spallettin para ndeshjes, por italiani nuk ishte në pankinë.
