Osmani pasi mandatoi Kurtin uron që të ketë sa më parë Qeveri “që merr vendime për të mirën e vendit”

PUBLIKUAR

Presidentja Vjosa Osmani sot ka mandatuar kryetarin e Lëvizjes Vetëvendosje, Albin Kurti, për mandatar për formimin e Qeverisë së Republikës së Kosovës pasi dje u shpall i konstituuar Kuvendi i Kosovës.

Pas njoftimit të Presidencës, Osmani shkroi edhe vetë në profilin e saj në Facebook ku uroi që vendi të ketë një qeveri sa më parë e që “merr vendime për të mirën e vendit”.

“Uroj që Republika e Kosovës sa më parë të ketë Qeveri me mandat të plotë kushtetues, ku do të merren vendime për të mirën e vendit dhe të gjithë qytetarëve tanë”, ka shkruar ajo.

Pas muajve të tërë, Kuvendi i Kosovës dje u shpall i konstituuar me zgjedhjen e deputetit serb, Nenad Rashiq, nënkryetar i pestë i Kuvendit nga komuniteti serb.

Zgjedhja e tij u kundërshta nga Lista Srpska, e cila ka nëntë deputetë dhe e cila insistoi se posti i nënkryetarit i takon asaj.

Rashiq u bë nënkryetar me votat e Lëvizjes Vetëvendosje dhe të LDK-së.

SHIKO MË SHUMË

Hidhet koktej molotovi në një auto-sallon në Graçanicë, autorët largohen me motoçikletë

Një auto-sallon në Graçanicë ka qenë cak i një sulmi me koktej molotovi gjatë...

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...