Osasuna e ka ndalur Barcelonën me një barazim 2:2 të dielën, megjithëse e kishte gjetur veten dy herë në disavantazh.

Osasuna ia doli ta barazojë dy herë rezultatin në të dy pjesët falë golave nga David Garcia dhe Chimy Avila, pasi Nico dhe Abdessamad Ezzalzouli e kishin kaluar skuadrën e Xavit në epërsi me golat e tyre të parë për katalonasit, raporton Gazeta Express.

Barcelona vinte nga një humbje e hidhur kundër Real Betisit në ndeshjen e kaluar por dështoi të kthehej në binarët e fitores në Pamplona.

Si pasojë, Barça ngel në vendin e tetë në La Liga me 24 pikë, plot 15 pikë larg liderit dhe rivalit Real Madrid, si dhe pesë pikë larg top katërshes.

Osasuna, e cila i kishte humbur tri prej pesë ndeshjeve të fundit, ngrihet në vendin e 10-të me 22 pikë.

Katalonasit e kishin ndeshjen nën kontroll duke e mbajtur topin në këmbë shumicën e kohës, por krijuan më shumë se vendasit për t’i merituar tri pikët.

Nico shënoi nga afërsia për ta thyer akullin në minutën e 12-të, pasi u shërbye nga Gavi. Ky ishte goli i tij i parë në fanellën e Barçës.

Por Garcia e barazoi rezultatin menjëherë duke shënuar gol të bukur me kokë pas një harkimi nga goditja e dënimit.

Ezzalzouli e ktheu epërsinë e vizitorëve në minutën e 49-të, kur shënoi me gjysmë vollei nga afërsia pas një kundërsulmi të shpejtë të skuadrës së Xavit. Ky ishte goli i parë i marokenit 19-vjeçar për katalonasit, po ashtu.

Megjithatë, katër minuta parafundit të kohës së rregullt, Avila ia mohoi triumfin Barçës dhe ia siguroi një pikë Osasunës duke e mposhtur portierin Marc-Andre ter Stegenin me një goditje të devijuar nga largësia.

Golat dhe rastet