Kryetari i Komunës së Lipjanit, z. Imri Ahmeti, ngushëllon familjen Arifi për ndarjen nga jeta të Sami Arifi.

E nderuara familje Arifi,

Me pikëllim të thellë morëm lajmin për ndarjen nga jeta të më të dashurit tuaj dhe ish-zyrtarit të administratës komunale të Komunës së Lipjanit, Sami Arifi.

Sami Arifi ka dhënë një kontribut të rëndësishëm në administratën komunale, duke shërbyer gjithmonë me përkushtim dhe përgjegjësi në shërbim të qytetarëve. Angazhimi i tij ndaj detyrave institucionale do të mbetet një kujtim i çmuar për të gjithë ne që patëm nderin ta njohim dhe të bashkëpunojmë me të.

Në emër të Komunës së Lipjanit, ju shpreh ngushëllimet më të sinqerta familjes Arifi, miqve, shokëve dhe të gjithë atyre që e njohën dhe patën rastin të punonin me të.

Zoti e mëshiroftë!

Imri Ahmeti
Kryetar i Komunës së Lipjanit