Qeveria e Kosovës do të mbajë mbledhjen e radhës, të premten, me fillim nga ora 14:00.

Në rend dite në këtë takim janë 19 pika.

Ndër të tjerash, do të shqyrtohet Projektligji për Kompensimin e Viktimave të Krimit dhe ai për Deklarimin, Prejardhjen dhe Kontrollin e Pasurisë dhe të Dhuratave.

Do të shqyrtohet edhe Projekt-udhëzimi Administrativ për shfuqizimin e Udhëzimit Administrativ për kompensimin e punës jashtë orarit dhe pjesëmarrjen në seanca gjyqësore të ekspertëve mjeko-ligjorë.

Në këtë mbledhje do të hidhet në votim edhe kërkesa e Komunës së Gjakovës për transferimin e mjeteve buxhetore në Ministrinë e Ekonomisë për shlyerjen e obligimeve të kësaj komune, lidhur me projektin “Impianti i Ujërave të Zeza”.

Rendi i ditës:

1. Shqyrtimi i Projektligjit për Aktet Juridike (ZKM)
2. Shqyrtimi i Projektligjit për ndryshimin dhe plotësimin e Ligjit Nr. 04/L-139 për Procedurën Përmbarimore i ndryshuar dhe plotësuar me Ligjin Nr. 05/L-118 (MD)
3. Shqyrtimi i Projektligjit për Kompensimin e Viktimave të Krimit (MD)
4. Shqyrtimi i Projektligjit për Deklarimin, Prejardhjen dhe Kontrollin e Pasurisë dhe të Dhuratave (MD)
5. Shqyrtimi i Projektligjit për Ratifikimin e Marrëveshjes për Ndihmë të Ndërsjellë Juridike në Çështjet Civile në mes të Qeverisë së Republikës së Kosovës dhe Qeverisë së Republikës së Maqedonisë së Veriut (MD)
6. Shqyrtimi i Projektligjit për Ratifikimin e Marrëveshjes ndërkombëtare në mes të Bashkimit Evropian në njërën anë dhe Kosovës nga ana tjetër për pjesëmarrjen e Kosovës në Programin e Bashkimit Horizon Europe – Korniza e Programit për Kërkimin dhe Inovacionin (MAShTI)
7. Shqyrtimi i Projektligjit për ndryshimin dhe plotësimin e Ligjit Nr. 03/L-040 për Vetëqeverisjen Lokale (MAPL)
8. Shqyrtimi i Projektligjit për Sistemin e Menaxhimit të Përformancës së Komunave dhe Skemave të Grantit të Bazuar në Performancë (MAPL)
9. Shqyrtimi i Projektligjit për Ratifikimin e Marrëveshjes së Financimit në mes të Republikës së Kosovës, e përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim, për projektin “Projekti i Reformës së Sistemit të Ndhimës Scoaile në Kosovë” (MF)
10. Shqyrtimi i Propozim-vendimit për themelimin e Grupit Koordinues Ndërinstitucional për të Drejtat e Njeriut (ZKM)
11. Shqyrtimi i Projekt-udhëzimit Administrativ për shfuqizimet e Udhëzimit Administrativ për kompensimin e punës jashtë orarit dhe pjesëmarrjen në seanca gjyqësore të Ekspertëve Mjeko-ligjorë (MD)
12. Shqyrtimi i Projekt-udhëzimit Administrativ për ndryshimin dhe plotësimin e Udhëzimit Administrativ për Vlerësim të ndikimit Buxhetor për Nismat e reja Qeveritare (MFPT)
13. Shqyrtimi i Projekt-udhëzimit Administrativ për Cilësinë e Ujit të Destinuar për Konsum Njerëzor (MSh)
14. Shqyrtimi i propozim-vendimit për emërimin e anëtarëve të Këshillit të Kosovës për Raportim Financiar (MFPT)
15. Shqyrtimi i Propozim-vendimit për aprovimin e zëvendësimit të burimit të financimit dhe bartjen e shpenzimit te organizatat buxhetore nga granti qeveritar (10) te burimi i financimit nga huamarrja (04), Instrumenti për Financim të Sektorit Publik për Reagim Emergjent ndaj COVID-19 (MFPT)
16. Shqyrtimi i kërkesës së Komunës së Gjakovës për transferimin e mjeteve buxhetore në Ministrinë e Ekonomisë për shlyerjen e obligimeve të Komunës së Gjakovës lidhur me projektin “Impianti i Ujërave të Zeza” (MFPT)
17. Shqyrtimi i Draftit të Raportit mbi nivelin e Ekzekutimit të Prijekteve të Huamarrjes (MFPT)
18. Shqyrtimi i Propozim-vendimit për ndryshimin dhe plotësimin e Vendimit të Qeverisë Nr.09/24 të datës 11.08.2021 (MD)
19. Të ndryshme