Nënkryetarja e PDK-së, Vlora Çitaku, ka përkujtuar presidentin e parë të Kosovës, Ibrahim Rugova në 16 vjetorin e vdekjes, raporton Gazeta Express.

“16 vjet më parë Kosova humbi Ibrahim Rugovën, liderin e rezistencën paqësore gjatë viteve 90-të. U kujtoftë gjithmonë”, ka shkruar Çitaku.

Presidenti Rugova ka vdekur më 21 janar të vitit 2006, pas një beteje me kancerin në mushkëri. Ai u varros me nderime të larta shtetërore dhe ushtarake.

Gjashtëmbëdhjetë vjet më parë, shumë qytetarë patën pritur me orë të tëra për të bërë homazhe pranë trupit të pajetë të Ibrahim Rugovës, edhe përkundër temperaturave tejet të ulëta që kishin shkuar deri në -15 gradë Celsius.

Në varrimin e Ibrahim Rugovës kishin marrë pjesë me dhjetëra burrështetas, nga shtetet më të fuqishme në botë, duke e konsideruar këtë, si lamtumirën më të madhe në rajon.