Mustafa tha se me këtë zhvillim ekonomik është arritur të hapen vende pune, avancim të agjendën evropiane si dhe ruajtje të stabilitetit makro fiskal, raporton laji.net
“Puna e koalicionit ka dhënë rezultate sa i përket zhvillimit ekonomik. Rritja ekonomike mbi 4 përqind është rritja më e madhe në rajon. Kemi rënie të papunësisë që është shumë e rëndësishme për ne, por e kemi të qartë se duhet punuar në tërheqjen e investitorëve”, ka deklaruar Mustafa.
Ai shtoi se buxheti është refleksion i reformave fiskale dhe përmirësimit të kushteve të të bërit biznes.
“Buxheti siguron mjete dhe mbështet projektet që kemi trashëguar sidomos autostraden për Shkup, investime në hekurudhë, bujqësi e mbështetje të nivelit lokal. Buxheti do të përfshihet nga aspekte pozitive që dalin nga MSA”, tha Mustafa. /Lajmi.net/
