Analisti Arton Muhaxheri, i ftuar në Kosova Live në T7, përmes një lidhjeje direkte, ka komentuar aktvendimin e Gjykatës Kushtetuese, e cila dje, konstatoi se Kuvendi është konstituar.

Muhaxheri, tha se sipas tij, vendimi i Kushtetuese i ka ‘’kënaq të gjitha palët’’.

‘’Unë mendoj që asnjëherë në historinë e kësaj gjykate, nuk ka nxjerr një vendim kaq të shpejt, ndoshta për faktin se ku po ndodhemi në këtë moment. I kemi të dënuar ish-krerët e UÇK’së, situata është e paqartë, qeveria nuk dihej se a ishte legjitime apo jo. Unë nuk po besoj që ndonjëra prej palëve nuk do ta respektojë një vendim që e ka nxjerr gjykata Kushtetuese, po unë, aq sa mujta me pa i ka kënaq të gjitha palët’’, ka thënë ai, përcjell Gazeta Express.