Mediat në Angli vazhdojnë të thonë se Evertoni si zgjedhje të parë pas largimit të Rafa Benitez e kanë trajnerin e Romës, Jose Mourinhon.

Klubi i Ligës Premier shkarkoi Benitezin gjatë fundjavës dhe për momentin ka emëruar Duncan Ferguson si trajner të përkohshëm.

Sipas Sky Sports UK, drejtorët e Evertonit mbeten të bindur se Mourinho është zgjedhja e tyre e parë për të marrë drejtimin e skuadrës.

Megjithatë, Mourinho sapo iu është bashkuar Romës gjatë verës me një kontratë trevjeçare dhe nuk ka synim të largohet nga “Stadio Olimpico”

Giallorossët janë të zënë me formimin e skuadrës, pasi kanë sjellë Ainsley Maitland-Niles dhe Sergio Oliviera në afatin kalimtar të janarit dhe emra tjerë pritet të vijnë.