Mesfushori i Pescaras, Ledian Memushaj, ishte një nga më të mirët në fushë në takimin e San Siros mes Milanit dhe Pescaras, i cili përfundoi 1-0 për vendasit.

Mesfushori i Kombëtares së Shqipërisë pas ndeshjes ka thënë skuadra e tij meritonte pikë nga ky takim pasi bëri një paraqitje shumë të mirë.

“Jam mirë, më vjen keq për lëndimin e Aquilanit pasi ishte më i rëndë se i imi. Por, më vjen keq edhe për rezultatin pasi kemi merituar më shumë”

“Të dielën na pret një ndeshje vendimtare. Milani nuk bëri asgjë më shumë se ne, mendoj se Bonaventura bëri një paraqitje të mirë dhe mjaftoi”, ka thënë Memushaj për Milan TV.

Ndeshja e ardhshme e Pescaras është ndaj Empolit. /Telegrafi/