Kolona disa kilometra të gjata dhe problemet teknike në kontrollin kufitar kanë lënë qindra udhëtarë të bllokuar gjatë rrugës drejt Kosovës, raporton IndeksOnline.

Qindra mërgimtarë që po udhëtojnë drejt Kosovës janë përballur me pritje që kanë zgjatur mbi 7 orë në pikën kufitare mes Malit të Zi dhe Kroacisë, për shkak të kolonave të gjata dhe problemeve teknike në procesin e kontrollit kufitar.

Lexues të IndeksOnline kanë bërë të ditur se po përballen me kushte të vështira, pasi kanë kaluar shumë orë në kolonë, ndërsa në zonën ku ndodhen nuk kanë pasur mundësi të furnizohen me ujë dhe ushqim. /IndeksOnline/