Mamografi mobil që nga java e kaluar është vendosur në oborrin e QKMF-së në Lipjan dhe do të jetë në shërbim për 15 ditë rresht. Të gjitha qytetaret e Komunës së Lipjanit të cilit duan të përcjellin gjendjen e tyre shëndetësore rreth sëmundjes së kancerit të gjirit kanë filluar ekzaminimin e tyre falas. Mamografi do të qëndroi deri të premten në Lipjan.
Ardhjen e mamografit mobil në Lipjan e ka përshëndetur edhe Drejtori i Shëndetësisë së Lipjanit Avdullah fazliu, i cili këtë e ka cilësuar si një mundësi të mirë për diagnostifikimin e hershëm të kancerit të gjirit.
Edhe pse në QKMF -ja e Lipjanit para dy viteve është pajisur me një aparaturë të tillë i cili punon çdo ditë por mamografi mobil i cili po qëndron në Lipjan do të jetë një ndihmë për zvogëlimin e kohës së pritjes për pacientet, ka thënë Falziu
Të gjitha femrat e moshës 40-70 vjeçare në komunën e Lipjanit do të kenë mundësinë që të kryejnë testet për diagnostifikim të hershëm të kancerit të gjirit.