Edon Zhegrova edhe zyrtarisht është lojtar i Lille.

Ai u transferua te Lille nga Baseli dhe ka nënshkruar kontratë deri më 2026.

Përmes një postimi në Instagram, Zhegrova tha: “I lumtur dhe krenar që iu bashkova Lilles, le të fillojë ky rrugëtim!”.

Ai ka marrë shumë urime në këtë postim, derisa i kanë komentuar edhe shokët si Rrahmani, Fazliji, Arbër Zeneli, Kololli, Herolind Shala e të tjerë.

Urim ka marrë tashmë edhe nga ish shoku i skuadrës te Baseli, Taulant Xhaka.

“Suksese babik, edhe ishalla të shkon sa ma mirë”, i ka komentuar Xhaka.

Lille që fitoi titullin vitin e kaluar në Francë, nuk është në pozicion të mirë në Ligue 1 këtë edicion, renditet në vendin e 10 me 28 pikë.

Xhegrova do të ketë shansin që të shijojë edhe UEFA Champions Leaguen pasi Lille në shkurt do të përballet me Chelsean. /Gazeta Express/