Nata përmbyllëse e festivalit “Mërgata Fest & Sports 2025” solli një atmosferë të jashtëzakonshme, duke kurorëzuar tri net festimesh me muzikë, gjallëri dhe pjesëmarrje të madhe të qytetarëve dhe mërgimtarëve në Lipjan.
Kryetari i komunës së Lipjanit, z. Imri Ahmeti, shprehu mirënjohje për të gjithë qytetarët dhe mërgimtarët që ishin pjesë e këtij festivali.
“Faleminderit qytetarëve të Lipjanit dhe mërgimtarëve tanë për pjesëmarrjen e madhe dhe atmosferën fantastike. Ju e bëtë këtë festival një ngjarje të jashtëzakonshme”, tha kryetari Ahmeti.
