Një burrë në Lipjan dyshohet se është sulmuar nga ish-bashkëshortja e tij, me të cilën aktualisht ndodhet në proces divorci. Lajmi është konfirmuar nga Policia e Kosovës.

Sipas njoftimit zyrtar, pas intervistimit të të dyshuarës dhe konsultimit me prokurorin e rastit, ajo është liruar në procedurë të rregullt.

“Është raportuar se një mashkull kosovar është sulmuar nga e dyshuara – femër kosovare, ish-bashkëshortja e tij, me të cilën janë në proces divorci. Lidhur me rastin është intervistuar e dyshuara dhe, me vendim të prokurorit, është liruar në procedurë të rregullt”, thuhet në njoftimin e policisë.