Kreu i Nismës, Fatmir Limaj, ka reaguar pas dënimit të ish-krerëve të UÇK-së nga Dhomat e Specializuara në Hagë.

Limaj e ka cilësuar vendimin si të padrejtë, të papranueshëm dhe të pamerituar, duke thënë se lajmi nga Haga ka qenë i rëndë për të gjithë.

Ai u ka bërë thirrje qytetarëve që zhgënjimin dhe dëshpërimin të mos lejojnë të keqpërdoren, por t’i kthejnë në forcë dhe bashkim për të vazhduar drejt betejave të ardhshme.

“Mos të lejojmë që mërzinë tonë, zhgënjimin tonë, dëshpërimin tonë ta keqpërdorë askush kundër vendit tonë, por le ta kthejmë në një forcë e bashkim për të vazhduar drejt betejave të ardhshme, një fitore të plotë”, tha mes tjerash Limaj./Klankosova.tv