Sot në Qendrën Korrektuese për Femra në Lipjan, artistët e njohur Leonora Jakupi dhe Asim Gashi, kanë mbajtur një koncert të veçantë për gratë e burgosura.

Shërbimi Korrektues deklaron se atmosfera solli momente të veçanta dhe pozitive brenda kësaj qendre.

“Ky aktivitet u realizua në kuadër të angazhimeve për organizimin e aktiviteteve sociale dhe kulturore, të cilat synojnë mirëqenien dhe mbështetjen emocionale të të burgosurave gjatë qëndrimit të tyre në institucion.

Në shenjë falënderimi për kontributin dhe gatishmërinë e tyre për të qenë pjesë e këtij aktiviteti, drejtori i përgjithshëm i Shërbimit Korrektues i Kosovës, Ismail Dibrani, së bashku me drejtorin e Qendrës Korrektuese për Femra, Ylber Topalli, ndanë nga një dhuratë për dy artistët, të punuar nga vetë të burgosurat e kësaj qendre” thuhet në njoftimin e SHKK-së.