Frank Lampard nuk është më në garë për ta zëvendësuar Daniel Farken si trajneri i radhës i Norwich Cityt.

Sky Sports raporton se biseda e zhvilluar mes Lampardit dhe drejtuesve të Norwichit ka impresionuar këta të fundit, por nuk do të shkojnë më tutje.

Largimi i ish-futbollistt të West Ham, Chelsea dhe Anglisë ka bërë që Dean Smith të jetë kandidati i vetëm në garë për ta trajnuar Rashicën me shokë.

Smith, i cili u shkarkua nga Aston Villa të dielën, gjithashtu thuhet se ka impresionuar bordin e Norwich gjatë intervistës së tij të marten. /Gazeta Express/