Personi i arrestuar sot gjatë operacionit policor në lagjen Veternik të Prishtinës dyshohet të jetë Liridon Fetahi, i cili ishte në kërkim ndërkombëtar nga autoritetet e Danimarkës, transmeton IndeksOnline.
Sipas të dhënave të publikuara në kërkim ndërkombëtar, Fetahi kërkohej për veprat penale “vrasje” dhe “lëndim i rëndë trupor”. Ai është me gjatësi rreth 183 cm, sy ngjyrë kafe dhe i lindur më 22 gusht 1998.
Tutje bëhet e ditur se ai ka shtetësi daneze dhe rasti ndaj tij është ende në hetim nga autoritetet daneze.
Arrestimi i tij në Prishtinë u bë nga Policia e Kosovës në bashkëpunim me njësitë speciale, bazuar në një urdhër-arrest ndërkombëtar (Red Notice) të lëshuar nga INTERPOL-i i Danimarkës.
Rasti po trajtohet në koordinim me Prokurorinë Speciale të Republikës së Kosovës, ndërsa pritet që ndaj të dyshuarit të ndërmerren procedurat e mëtejme ligjore, përfshirë edhe procesin e mundshëm të ekstradimit./IndeksOnline/
