Shefja e Komisionit Evropian, Ursula Von Der Leyen, do të takohet sot me kryeministrin e Kosovës në detyrë, Albin Kurti, në ndërtesën e Kuvendit të Kosovës, shkruan Gazeta Express.

Këtë e ka konfirmuar vetë zyra e kryeministrit përmes një njoftimi për media.

Takimi do të zhvillohet në orën 14:05 në një prej sallave të Kuvendit të Kosovës.

Kjo vjen pas letrës që shefi i Zyrës së BE-së, Aivo Orav, i kishte nisur Kurtit në gusht të këtij viti, ku e njoftonte se vizita të larta nga BE dhe shtetet anëtarë s’do t’i shkojnë për takime në Qeveri, derisa të ketë institucione të reja pas zgjedhjeve të shkurtit.

“Kryeministri në detyrë i Republikës së Kosovës, Albin Kurti, takon Ursula von der Leyen, Presidente e Komisionit Evropian.VENDI: Ndërtesa e Kuvendit të Kosovës, salla C301,KOHA: 14:05“, thuhet në njoftimin e ZKm-së./Express/