Kryetari i Komunës së Lipjanit, Imri Ahmeti, sot ka pritur në takim komandantin e ri të Stacionit Policor në Lipjan, kapitenin Brahim Shatrolli

Me këtë rast, kryetari Ahmeti e uroi komandantin për detyrën e re dhe i dëshiroi suksese në përgjegjësitë që e presin. Ai theksoi rëndësinë e bashkëpunimit të vazhdueshëm ndërmjet institucioneve lokale dhe Policisë së Kosovës, në funksion të garantimit të një mjedisi sa më të sigurt për të gjithë qytetarët e komunës.

Takimi u mbajt me rastin e emërimit të z. Shatrolli në pozitën e komandantit të Stacionit Policor në Lipjan dhe shërbeu si një mundësi për të diskutuar mënyrat e forcimit të mëtejmë të bashkëpunimit ndërinstitucional në ruajtjen e rendit dhe sigurisë publike.