Kryetari i Komunës së Lipjanit, Imri Ahmeti i shoqëruar me bashkëpunëtorë, gjatë ditës së sotme kanë vë gurëthemelin e fillimit të punimeve në ndërtimin e Sheshit “Adem Jashari” dhe Stadiumit në qytetin e Lipjanit.
Në këtë rast, i pari i Komunës së Lipjanit Imri Ahmeti, ka thënë se komuna me paratë që ka kursyer ka arritur t’i grumbulloj mbi 400 mijë euro dhe të filloj ndërtimin e sheshit që është i nevojshum për qytetarët e Komunës së Lipjanit dhe të ju shërbej atyre si është më së miri. Me ndërtimin e këtij sheshi ne shprehim në një mënyrë shumë dëmëthënëse ndryshimet që po bëhen në pamjen e qytetit të Lipjanit, duke e integruar qytetarin në hapësiren publike, gjelbbërimin dhe relaksimin e tyre, ka thënë ndër të tjera Kryetari Ahmeti.
Realimi i ndërtimit të Sheshit “ Adem Jashari”, në Lipjan buxhetit të Komunës së Lipjanit do ti kushtoj 465,757.77 euro.
Po ashtu, Kryetari i Lipjanit Imri Ahmeti, ka inaguruar projektin për fillimin e punimeve në ndërtimin e Stadiumit të qytetit të Lipjanit, i cili Komunës së Lipjanit do ti kushtoj 728,757.77. Nga ky projekt shumë i rëndësishëm do të përfitojnë të gjithë qytetarët e Komunës së Lipjanit e në veçanti sportëdashësit lipjanas i cili ka kapacitet afërsisht prej 2200 ulëseve, si dhe hapësirat e tjera si: zhveshtore, hapësira të lokaleve, pjesën administrative dhe hapësirat e tjera përcjellëse që janë në kuadër të këtij projekti që është projektuar sipas standarteve moderne të UEFA-s.
