Kryetari i Komunës së Lipjanit, Imri Ahmeti, së bashku me bashkëpunëtorë, sot, me rastin e festës së 28 Nëntorit, Ditës së Flamurit Kombëtar, ka bërë homazhe dhe ka vendosur buqetë me lule pranë lapidarit të Komandantit Legjendar Adem Jashari.
Me këtë rast, kryetari Ahmeti theksoi se 28 Nëntori është Dita e Flamurit Kombëtar, ditëlindja e Komandantit Legjendar Adem Jashari dhe dita e daljes së Ushtrisë Çlirimtare të Kosovës, ngjarje që e bëjnë këtë datë një ditë historike për popullin shqiptar. Ai nënvizoi rëndësinë e tyre në ruajtjen e identitetit, lirisë dhe unitetit kombëtar.
