Në kuadër të takimeve të rregullta për policimin në bashkësi, sot u mbajt takimi i radhës ku u diskutua për gjendjen e sigurisë në Komunën e Lipjanit, me fokus në parandalimin e zjarreve dhe gjuajtjeve me armë gjatë ahengjeve.

Komandanti i Stacionit Policor në Lipjan kapiteni Brahim Shatrolli, theksoi se gjendja e sigurisë në komunë vazhdon të jetë e qetë dhe stabile falë bashkëpunimit ndërmjet Policisë, institucioneve dhe qytetarëve. Ai apeloi për kujdes dhe përgjegjësi më të madhe në parandalimin e zjarrvënieve dhe prezantoi statistikat e punës së stacionit për gjashtëmujorin e parë të vitit 2026.

Nënkryetari i Komunës së Lipjanit z. Diamant Bytyqi, vlerësoi bashkëpunimin e shkëlqyer ndërmjet Komunës dhe Policisë së Kosovës, duke theksuar rëndësinë e koordinimit institucional për ruajtjen e rendit dhe sigurisë publike. Ai gjithashtu u bëri thirrje qytetarëve të tregojnë kujdes të shtuar për të parandaluar zjarret dhe dukuritë e tjera që cenojnë sigurinë e përgjithshme.

Pjesëmarrësit ritheksuan përkushtimin për bashkëpunim të vazhdueshëm në parandalimin e dukurive negative.