6 viktima janë regjistruar në 24 orët e fundit në Kosovë për shkak të COVID-19, raporton Gazeta Express.

Viktima janë dy burra të moshës 60-69 vjeçare nga komuna e Prishtinës dhe Gjakovës.

Një grua dhe dy burra të moshës 70-79 vjeçare, dy nga komuna e Prishtinës dhe një nga e Mitrovicës janë po ashtu viktima të këtij virusi në 24 orët e fundit.

Ndërsa, një viktimë është mbi 80 vjeç nga Vushtrria.

Gjatë 24 orëve të fundit në Kosovë janë regjistruar edhe 2 mijë e 33 raste të reja me COVID.

3 mijë e 329 persona janë shëruar nga virusi gjatë kësaj kohe.