Kosova mund të kurorëzohet me medalje nga Kampionati Evropian i Karatesë.

Karateisti kosovar, Islam Selmani po shkon me hapa të sigurt drejt medaljes evropiane në garën e cila po mbahet në Armeni.

Garuesi kosovar i ka fituar tri luftëra në qytetin e Yerevanit duke i mposhtur fillimisht Adam Hamillin nga Skocia dhe Mario Petren e Rumanisë para se të triumfonte edhe ndaj grekut Christos-Stefanos Xenos, për ta prekur gjysmëfinalen në kategorinë deri në 60 kilogramë.

Krahas Selmanit, në Evropianin e karatesë po marrin pjesë edhe garuesit tjerë kosovarë, Shpresim Shabani e Redona Gashi, të cilët u ndalën qysh në xhiron e parë. /Gazeta Express