“Citizens” nuk kanë hequr ende dorë nga sulmuesi anglez, prioritet mbetet sulmuesi i Dortmundit

Manchester City mbeti së fundmi pa sulmuesin Ferran Torres, të cilin ia shiti Barcelonës.

Por, “Citizens” duket se nuk do të përforcohen në fazën e sulmit në afatin kalimtar të janarit.

Ata janë fokusuar për afatin e verës, kur pritet ta bëjnë së paku një goditje të madhe në sulm, shkruan “Gazeta Express”.

Kampioni aktual anglez nuk është dorëzuar ende për sulmuesin e Tottenhamit, Harry Kane.

Ky i fundit ishte pranë transferimit në “Etihad Stadium” verën e kaluar, por gjithçka dështoi në fund.

E krahas përfaqësuesit anglez, City e ka në listë të ngushtë edhe Erling Haalandin.

Për këtë siguron mediumi “ESPN”.

Pra, njëri prej dy sulmuesve, ose që të dy, mund të përfundojë në City gjatë verës që vjen. /Gazeta Express/