Kabineti që e propozoi dje, Kurti flet për mungesën e Bislimit e Nagavcit: Bashën e kam paramenduar gjithmonë në qeveri

PUBLIKUAR

Albin Kurti, qeveria e propozuar prej të cilit dështoi të zgjidhej dje në Kuvend, foli për emrat e përveçëm që munguan në listën e emrave të kabinetit që ai e lexoi për ekzekutivin e ri.

Kryetari i LVV-së tha në një konferencë për media se emrat që munguan dhe ata që u shtuan nuk ishin “kurrfarë gjykimi ndëshkues”.

“Të gjithë emrat që janë propozuar për dikasteret qeveritare janë rezultat i analizave tona të brendshme dhe emrat e përveçëm nuk janë rezultat i ndonjë vlerësimi apo mosvlerësimi, por janë kryekëput çështje e fazës që na pret për planet dhe programin tonë. Rrjedhimisht, të këtilla plane kemi edhe për emrat që u thanë këtu, për zonjën Arbërie Nagavci, për zonjën Rozeta Hajdari, për zotin Besnik Bislimi. Ne do të jemi bashkë në ecjen tonë. Por kush, ku edhe kur, këto janë diskutime që nuk kanë të bëjnë me vlerësimin apo mosvlerësimin tim”,

Për kryeparlamentarin Dimal Basha, Kurti tha se e ka paramenduar gjithmonë në qeveri.

“Gjithmonë e kam paramenduar atë në Ekzekutiv. Pra, për Kurti 3, unë kam menduar që Dimal Basha duhet të vijë në Ekzekutiv”.

SHIKO MË SHUMË

Hidhet koktej molotovi në një auto-sallon në Graçanicë, autorët largohen me motoçikletë

Një auto-sallon në Graçanicë ka qenë cak i një sulmi me koktej molotovi gjatë...

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...