Juventus ka refuzuar një ofertë të majme prej 70 milionë eurosh nga Chelsea për sulmuesin e talentuar turk, Kenan Yildiz, raportojnë mediumet e shumta italiane.

Klubi londinez ka bërë një përpjekje konkrete për të siguruar shërbimet e 19-vjeçarit, por “Zonja e Vjetër” e ka hedhur poshtë menjëherë propozimin.

 Kenan Yildiz

Që nga debutimi me ekipin e parë, Yildiz ka shfaqur një zhvillim mbresëlënës, duke u kthyer në një nga lojtarët më të rëndësishëm të skuadrës.

Në sezonin 2024-25, ai ka regjistruar 12 gola dhe 9 asistime në 52 paraqitje në të gjitha garat, duke dëshmuar vlerën dhe ndikimin e tij në fushë.

Refuzimi i ofertës nga Chelsea vjen si konfirmim i besimit që Juventusi ka te Yildiz, duke e pozicionuar atë si një nga shtyllat kryesore të së ardhmes së klubit. Me paraqitjet e tij të vazhdueshme dhe potencialin e jashtëzakonshëm, sulmuesi turk shihet si një lider i gjeneratës së re në Allianz Stadium. /Telegrafi/