Instituti Hidrometeorologjik i Kosovës ka lëshuar një njoftim për kushte të paqëndrueshme atmosferike në vend për datën 26 mars 2026, duke paralajmëruar erëra të forta dhe rrezik të shtuar në disa zona.

Shpejtësia e erës pritet të arrijë deri në 24 m/s (mbi 85 km/orë), veçanërisht në zonat mbi 1000 metra mbi nivelin e detit.

Autoritetet paralajmërojnë se këto kushte mund të shkaktojnë dëmtime në prona, probleme në transport, si dhe rrezik për rrëzim të degëve të pemëve apo dëmtime në objekte si kulme, shtylla elektrike dhe reklama.

Po ashtu, rrezik i shtuar mund të paraqitet në kantieret e ndërtimit, sidomos aty ku përdoren vinça.

Instituti u bën thirrje qytetarëve që të tregojnë kujdes të shtuar, sidomos nëse planifikojnë aktivitete në ambiente të hapura.

Rekomandohet ndjekja e përditësimeve të fundit të motit dhe shmangia e rreziqeve të panevojshme.