Lajmi i hidhur për ndarjen nga jeta në mënyrë të papritur, në një aksident fatal me motor, për 22-vjeçarin Ergi Dini dhe shokun e tij Kejdi Halili, 21 vjeç në Tiranë, i ka prekur të gjithë.
I ati i Ergit pak më parë ka njoftuar për të gjithë të afërmit e tyre lajmin e hidhur në rrjetet sociale, por ajo çka bie në sy është edhe një poezi për çastin më të keq, vdekjen.
“Ju njoftojmë se mbrëmë si rrjedhojë e një aksidenti fatal. U nda nga jeta, djali ynë Ergi Dini. Varrimi bëhet në orën 15.30. Familja e Dashamir Dinit, Shkodër”, shkruani i ati, Dashamiri. Edhe e motra e Ergit, Barbana me dhimbje të madhe ka shkruar pak më parë. “Faleminderit te gjithëve për ngushëllimet edhe pse për ne s’ka ngushëllim! Ju lajmëroj se varrimi behet ne ora 15.30 ne Shkodër!”, shkruan këngëtarja.
Ndërkohë që më poshtë është poezia e të ati të Ergit, shkruar një ditë para ngjarjes tragjike për të birin.
ÇAST I KEQ
Vdekja
më vështron
me sytë tuaj…
Retë dhe pulbardhat
digjen nga perëndimi.
Mbi buzët tuaja
prej lamtumire,
më pret puthja e fundit.
Hëh!
Trendafilat prej gjaku
të urrejtjes,
do thahen
në parvazin e horizontit.
Unë pres
i veshur
me smokingun e zi te muzgut,
të takoj ditën tjetër…
Dashamir Dini
