Carlo Ancelotti ka lavdëruar dyshen Eden Hazard dhe Isco.

Ata u inkuadruan nga stoli në Kupën e Mbretit, duke realizuar golat që e kualifikuan Real Madridin në çerekfinale.

Isco realizoi golin për 2-2 derisa Hazard atë të fitores, në minutën e 116’.

Kështu, menjëherë pas sfidës, Ancelotti foli për ndikimin e të dyve në këtë sfidë, duke thënë se e dinte që me inkuadrimin  tyre, skuadra do të rritej në fushë, raporton Gazeta Express.

“Hazard dhe  Isco na e kanë fituar ndeshjen. Duhet ta theksojmë këtë sepse është vërtet domethënëse. Të dy meritojnë më shumë minuta dhe unë llogaris në të dy”, u shpreh Ancelotti.

Ai ndër të tjera tha se e kaluara mbetet në të kaluarën dhe se si Hazard, ashtu edhe Isco, do të kenë më shumë minuta në pjesën e dytë të sezonit nëse ndikimi i tyre vazhdon të jetë sikur kundër Elches. /Gazeta Express/