Afrimi i mbajtjes se zgjedhjeve të jashtëzakonshme në Komunën e Drenasit, ka nxehur garën mes PDK-së dhe Nismës për Kosovën. Në partinë e Fatmir Limajt thonë se partinë e Kadri Veselit e kanë kapur ethet e humbjes.

Anëtari i Kryesisë se Nismës, Bajram Hasani, thotë se PDK po i rrëshqet nga dora bastioni kryesor. Ai madje ka akuzuar këtë parti se ka angazhuar të gjithë mekanizmin shtetëror për të shmangur humbjen.

“Kemi ministra, zëvendësministra dhe zyrtarë të tjerë shtetërorë të cilët po merren më fushatë, në vend qe të merren më punët e tyre. Enver Hoxhaj do të ishte më mirë të ushtrojë funksionin e ministrit të Jashtëm e të sjell njohje të reja, sesa të merret me fushatë”, ka thënë Hasani.

Sa i përket tërheqjes se kandidatëve të pavarur, ai thotë se kjo ka ardhur si rezultat i pazareve politike.

“Atyre kandidatëve u janë premtuar pozita në qeveri. Është një lojë e pamoralshme. Edhe në politike duhet të ketë etike”, ka shtuar ai. /Tribuna Channel/