Diplomati amerikan Richard Grenell, përmes një shkrimi në tëitter, ka përkrahur protestat kundër Qeverisë Kurti, të cilat u organizuan sot nga PSD pas ngritjes së çmimeve të rrymës.

Grenell ka thënë se populli i Kosovës duhet të jetë i tërbuar pas rritjes së çmimeve të rrymës.

E kjo, sipas tij, ndodhi për shkak se Kurti refuzoi projektin amerikan që të sigurojë gaz për popullin. Grenell tha se ky projekt do të pamundësonte rritjen e çmimeve.

PSD sot organizoi protesta si rezultat i rritjes së çmimeve të rrymës, e si rezultat mijëra qytetarë vërshuan sheshin e kryeqytetit.

Kjo është protesta më e madhe që ka zënë të organizohet që kur Kurti është bërë kryeministër i vendit.