Shtabi i Rinisë Demokratike në Lipjan organizoi këtë të diel një turnir të futbollit të vogël, ku morën pjesë dhjetëra të rinj nga komuna. Aktiviteti u zhvillua me qëllim promovimin e vlerave të sportit dhe bashkimit përmes garës së ndershme

Kandidati për Kryetar të Komunës së Lipjanit, Shukri Buja, ishte i pranishëm gjatë këtij aktiviteti, duke theksuar rëndësinë e mbështetjes për rininë dhe sportin në nivel lokal.

“Sporti është një shembull i bashkimit dhe garës së ndershme, ashtu si rrugëtimi ynë politik për fitore. Rinia jonë ka energji, fuqi dhe vendosmëri – dhe ky turnir ishte dëshmi e kësaj,” u shpreh Buja.

Ai shtoi se nëse i jepet besimi për të udhëhequr komunën, angazhimi i tij do të jetë i qartë: më shumë mbështetje për sportin, më shumë investime për të rinjtë dhe më shumë fitore për Lipjanin.

Turniri u mirëprit nga komuniteti lokal, duke ofruar jo vetëm një mundësi për lojë dhe argëtim, por edhe për forcimin e lidhjeve mes të rinjve dhe promovimin e një jete aktive dhe të shëndetshme.

“Më rininë tonë, fitojmë bashkë!” -përfundoi Buja, duke përcjellë mesazhin e tij për një të ardhme më të mirë për Lipjanin, të ndërtuar së bashku me rininë.