Tashmë edhe zyrtarisht Robin Everardus Gosens është futbollistë i Interit.

Ai është transferuar në formë huazimi me obligimin e blerjes gjithmonë nëse plotësohen kushtet në marrëveshjen e arritur me Atalantën.

Gosens do ta veshë fanellën me numrin 18.

“Është një krenari e madhe sepse kam ardhur në një nga ekipet më të mëdha në Evropë, jam shumë i lumtur që jam këtu dhe me të vërtetë mezi pres të filloj”, tha ai.

Keni pasur mundësinë të flisni me Simone Inzaghin?

“Po, folëm mbrëmë në një video-telefonatë, ai më tha se çfarë pret nga unë dhe unë i tregova pak për idetë e mia, kem një dëshirë të madhe për të punuar së bashku dhe mezi pres të jem në fushë me të dhe me ekipin”. /Gazeta Express/