Filloreta Raçi-Fifi është këngëtarja që bëri bujë gjatë qëndrimit të saj në shtëpinë e ‘Big Brother Albania VIP’.
Bujë më madhe bëri edhe dalja e saj nga gara, shkruan lajmi.net.
Kjo pasi disa ditë më parë kërkoi të tërhiqej nga loja meqë nuk po ndihej mirë dhe se i duhej të shikonte më shumë veten.
Sidoqoftë, artistja duket se ka reflektuar pas daljes dhe se po shijon kohë të mirë me familjarët e miqtë. Ajo së fundmi ka shpërndarë një fotografi ku shfaqet me plot stil e veshur tërësisht në të zeza.
“Më gjyko mua kur je perfekt”, kanë qenë fjalët e 27-vjeçares.
Fifi tani po korrë suksese të mëdha me këngën e re “Diell”, të cilën e kompozoi brenda shtëpisë më të famshme.
Për pak ditë ka kaluar shifrën e dy milionë klikimeve në platformën YouTube./Lajmi.net/
