Raportuesja për vizat për Kosovën, Tanja Fajon, ka komentuar rreth vendimit të BE-së për t’ia hequr vizat Ukrainës dhe Gjeorgjisë pas aprovimit të mekanizmit për suspendimin e tyre në raste emergjente, duke thënë se kjo është një mundësi për Kosovën.
“I bëj thirrje Kosovës që urgjentisht t’i plotësojë kushtet e fundit të mbetura për heqjen e vizave. Kjo është një dritare e mundësisë”, ka shkruar Fajon në “Twitter”, duke iu referuar çështjes së demarkacionit dhe luftës kundër korrupsionit. BE-ja pret që këto çështje të adresohen nga institucionet e Kosovës.
“Ne morëm një kompromis mbi mekanizmin e pezullimit të vizve #EU! Lajm shumë i mirë për të udhëtuar pa viza. #visafree për Gjeorgjinë, Ukrainën dhe shpresëdhënës për Kosovën”.
