E pabesueshme, por e vërtetë.
Shorti i së tetës së finales së Ligës së Kampionëve do të përsëritet, shkruan “Gazeta Express”.
UEFA ka njoftuar para pak minutash se për shkak të problemeve teknike me software në serverin e brendshëm, i cili i vendos ekipet që do të përballen në mes vete, shorti do të përsëritet.
Sipas shtëpisë së futbollit evropian, shorti do të përsëritet nga ora 15:00, po ashtu në Nyon të Zvicrës.
Pra, çiftet e vendosura sot janë të pavlefshme.
Përsëritja e shortit të Championsit nuk kishte ndodhur më parë.
Fatkeqësisht, me gjasë nuk do ta shohim përballjen Messi – Ronaldo në të tetën e finales. /Gazeta Express/
