Dita e nëntë e numërimit: Përfundon rinumërimi i 5 vendvotimeve, vazhdon numërimi i votave me kusht

PUBLIKUAR

Komisioni Qendror i Zgjedhjeve ka bërë të ditur se gjatë pjesës së parë të ditës në Qendrën e Numërimit dhe Rezultateve (QNR) është përmbyllur procesi i rinumërimit të fletëvotimeve në pesë vendvotime, sipas vendimit të Panelit Zgjedhor për Ankesa dhe Parashtresa (PZAP).

Vendvotimet e rinumëruara i takojnë komunave Mitrovicë e Jugut (1110/01 dhe 1110/06), Kamenicë (1019/01 dhe 1020/01) dhe Podujevë (1807/02). Rezultatet për këto vendvotime tashmë janë publikuar në platformën zyrtare të rezultateve të KQZ-së: resultslocal2025.kqz-ks.org, në rubrikën “Rezultatet QNR – Rinumëruara”.

Ndërkohë, në QNR vazhdon numërimi i fletëvotimeve nga votimi me kusht, ndërsa pas përfundimit të këtij procesi do të fillojë numërimi i votave të personave me nevoja të veçanta. Të gjitha rezultatet po publikohen në kohë reale në rubrikën “Rezultate QNR – Votimi me kusht”.

Votimi me kusht është zhvilluar në 54 vendvotime speciale në 38 komuna të vendit, ndërsa votimi i personave me nevoja të veçanta është kryer jashtë vendvotimeve, përmes ekipeve mobile gjatë ditës së zgjedhjeve.

Fillimisht, po numërohen fletëvotimet me kusht nga komunat Deçan, Istog, Kaçanik, Fushë Kosovë, Kamenicë, Shtërpcë, Mamushë, Hani i Elezit, Ranillug dhe Mitrovicë e Veriut, për të cilat tashmë është përfunduar skanimi i listave të votuesve.

Në këtë proces janë përfshirë më shumë se 2,119 zarfe me fletëvotime për të dy llojet e zgjedhjeve, ndërsa 3,467 persona janë të regjistruar si votues me nevoja të veçanta.

Në QNR po zhvillohet paralelisht edhe skanimi i Listës së Votuesve, një hap i rëndësishëm për garantimin e integritetit të procesit zgjedhor, pasi mundëson verifikimin e pjesëmarrjes dhe parandalimin e rasteve të votimit të dyfishtë – në vendvotimin e rregullt dhe në atë me kusht.

SHIKO MË SHUMË

Hidhet koktej molotovi në një auto-sallon në Graçanicë, autorët largohen me motoçikletë

Një auto-sallon në Graçanicë ka qenë cak i një sulmi me koktej molotovi gjatë...

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...