Një veturë e tipit “Audi” është përfshirë nga zjarri në qendër të Prishtinës.
Ende nuk dihen shkaqet e zjarrvënies, zjarrëfikësit kanë dalur në vendin e ngjarjes.
Policia e ka konfirmuar rastin për Gazetën Express të cilët pritet të japin detaje të reja.
(E plotësuar) Flora Ahmeti nga Policia e Kosovës ka thënë për Gazetën Express se nuk është raportuar për persona të lënduar.
“Rreth orës 15:00 në magjistralen Prishtinë-Ferizaj përkatësisht te kompleksi banesor “Dardha”, një veturë e tipit “Audi 80” është përshirë nga zjarri. Shkaqet e zjarrit ende nuk dihen”, ka thënë Ahmeti për Express.
Fotografitë janë postur në Facebook nga gazetari Fatos Bytyçi.
