Ousmane Dembele ka shumë gjasa t’i bashkohet një klubi të Premierligës nëse largohet nga Barcelona para afatit të së hënës. 

Përfaqësuesit e tij, Moussa Sissoko dhe Marco Lichtsteiner po punojnë për të gjetur një zgjidhje për të, transmeton Gazeta Express.

Barça ia përsëriti atij të enjten që të gjente një klub tjetër nëse ai nuk do të nënshkruante ofertën e tyre të mëparshme për një kontratë të re afatshkurtër me një ulje page.

Dembele do të preferonte të qëndronte për pjesën tjetër të marrëveshjes së tij aktuale deri në verë.

Por, Barcelona e ka bërë të qartë se dëshiron që ai të largohet tani dhe madje e ka kërcënuar se do ta lërë në tribunë nëse qëndron. /Gazeta Express