Gjatë seancës inauguruese të Kuvendit Komunal të Lipjanit që u mbajt sot, pas procesit të betimit të kryetarit të komunës dhe 31 këshilltarëve të zgjedhur në zgjedhjet e 17 Tetorit të këtij viti Daut Azemi u zgjodh edhe në këtë mandat kryesues i Kuvendit Komunal të Lipjanit.

Daut Azemi ishte kandidati i vetum i propozuar për kryesues të Kuvendit. Ai me këtë rast ka falenderuar kryetarin e Komunës Imri Ahmetin, këshilltarët komunal për besimin e dhënë që të udhëheq edhe për katër vitet e ardhshme Kuvendin Komunal të Lipjanit, duke u zotuar se do të bashkëpunon ngushtë me të gjithë asamblistët në interes të qytetarëve të Komunës së Lipjanit.