Drejtuesit e Kishës Ortodokse Serbe janë solidarizuar me tenistin Novak Gjokoviq, që po qëndron në Australi në pritje që autoritetet vendore ta ndryshojnë vendimin dhe ta lejojnë hyrjen e tij atje pa u vaksinuar kundër COVID-19.

Ata madje ia kanë uruar atij Krishtlindjen ortodokse, duke i kujtuar edhe faktin se 11 vjet më parë i kishte ndarë Urdhrin e Shën Savës, që është më i larti i kësaj kishe.

Por, ish-patriarku Irinej, që ia kishte ndarë titullin, kishte vdekur më 2020, pikërisht nga COVID-19. Madje, pasi ishte infektuar në varrimin e peshkopit Amfilohije, që po ashtu ishte goditur nga pandemia, me të cilin Gjokoviq ishte gjithashtu i afërt sa ishte gjallë.