Albert Bunjaku i është bashkuar Bonnerit, klubit nga kategoria e pestë e futbollit gjerman, në një marrëveshje gjashtëmujore.

Ish-përfaqësuesi i Kosovës Bunjaku iu bashkua Bonnerit si lojtar i lirë të hënën, pasi u largua nga Viktoria Koln, raporton Gazeta Express.

Ai do të luajë për klubin që bën gara në Regionalliga West deri në përfundim të sezonit 2021/22.

38-vjeçari i kaloi tri vjet e gjysmë te Viktoria, në kategorinë e tretë të futbollit gjerman, duke i shënuar 42 gola në 97 ndeshje.

“Kalova kohë shumë të mirë në Viktoria. Ne u rritëm së bashku dhe gëzuam shumë suksese. Ia uroj Viktorias të gjitha të mirat për ta ardhmen”, tha Bunjaku në mesazhin e lamtumirës.

Bonneri e mori Bunjakun – i cili e shënoi një gol në tri paraqitje për Kosovën – me shpresë së përvoja e tij do ta shpëtojë klubin nga rënia prej ligës.

Bonner renditet në vendin e 15-të në tabelën e Regionalliga West me vetëm dy pikë larg zonës së rënies nga liga.

“E njoh Albertin shumë mirë nga koha ime në Viktoria deh jam shumë i lumtur se ai mund ta përforcojë sulmin tonë. Me gjithë përvojën e tij, Alberti është aset dhe do ta na ndihmojë neve në garë për mbijetesë”, tha drejtori sportiv i Bonnerit, Daniel Zillken./Gazeta Express/