Trajneri i njohur shqiptar, Besink Hasi te skuadra e Anderlechtit është duke i kërkuar dy lojtarë.

Lindon Selahi dhe Adnan Januzaj, janë dy emrat shqiptarë që lidhen për një transferim të mundshëm në ekipin belg, shkruan Indeksonline

Mesfushori Selahi ende nuk e ka vazhduar kontratën me kampionin në fuqi të Kroacisë, HNK Rijeka – kështu largimi i tij është vetëm çështje kohësh.

Ndërkaq Adnan Januzaj që është në pronësi të Sevillas e ka edhe një vit në kontratë, por me një shifër prej 2 milionë eurove mund të ndodh kalimi në Anderlecht.

Kujtojmë që sezonin e ri, Anderlechti do bëjë gara në UEFA Europa League, por fillimisht duhet t’i kalojë fazat e para dhe kjo dyshe shqiptare mund të ishte ndihmesë e madhe për ta./Indeksonline/